9/27/2017

170924 台大中國新歌聲事件到 taⁿ ê 聲明

photo credit 謝品寬

繼 8 月底才發生黑衣人在世大運閉幕以暴力押走持 TAIWAN 旗的 FETN 成員,才短短三週,9/24 又發生台北市府縱容暴力組織中華統一促進黨暴徒,以鋼製甩棍打傷多名台灣子弟與一名台大歷史系學生。主張統一者得以藉黑道暴力與中華民國政府的維安名義,任意襲擊為確保台灣土地與人民共同利益的學生,中華民國真的還敢自稱是一個「主權獨立的國家」嗎?顯然「中華民國」不僅連名義上都不具有國際正當性,就連在本島,也是個主權十分貧弱的政體,只能充當地方行政,執行中國的命令罷。

Tī 8 goe̍h té tú hoat-seng o͘-saⁿ-lâng tī Sè-tāi-ūn pì-bō͘ í pō-le̍k kā goán FETN the̍h TAIWAN kî-á ê sêng-oân pa̍k-phiò liáu-āu, chiah kóe té-té 3 lé-pài, 9/24 iū-koh hoat-seng Tâipak chhī-chèng-hú hòng-jīm pō-le̍k cho͘-chit Tiong-hôa-Thóng-it-Chhiok-chìn-tóng ê siáu-káu, iōng pe̍h-thih-á chò ê pah-ta̍h kā kúi-ā-ê Tâioân-gín-á kap 1 ê Tâi-tāi le̍k-sú-hē ha̍k-seng phah kah tio̍h-siong. Chú-tiuⁿ thóng-it ê lâng ē-tàng í o͘-tō pō-le̍k kap Tionghôabînkok chèng-hú ûi-an ê miâ-gī, chhìn-chhái kong-kek lán ūi-tio̍h Tâioân thó͘-tē kap jîn-bîn kiōng-tông lī-ek leh phah-piàⁿ ê ha̍k-seng, Tionghôabînkok kám koh káⁿ kóng ka-tī sī 1 ê “chú-koân to̍k-li̍p ê kok-ka” ? Chiâⁿ bêng-hián, “Tionghôabînkok” m̄-na tī miâ-gī-siōng bô kok-chè ê chèng-tong-sèng, tio̍h-sǹg tī pún-tó, mā-sī 1 ê chú-koân chin hi ê chèng-thé, kan-na ū chò tē-hng hêng-chèng ê châi-tiāu, chip-hêng Tiongkok ê bēng-lēng niâ.

9/24 台大體育館附近發生台大學生遭中華統促黨以鋼製武器襲擊頭部,致裂傷出血。以此事件呼籲,進入中華民國體制中自稱「主張台灣獨立的政治工作者」、「務實台獨工作者」的賴清德,與其所屬政黨中華民國民主進步黨,至少應做到在政黨法草案中,納入禁止在本島成立任何主張與中國統一的政黨或團體組織。並依此宣布,主張統一政黨為非法政黨。清算政黨的主張與意識形態才是 1945 年「轉型正義」首次誕生在人類史上的基本意義,也由此產生「民主防衛機制」的設計,以杜絕極權藉民主之名吞噬在地民主的悲劇。呼籲勿讓「924 統促黨殺人未遂事件」成為本島人追求建立一個新而獨立的國家路上的阻礙,相反的,要以此事件為明鑑,要求全面執政的民進黨須於「政黨法」通過「禁止在本島主張統一」;台島人民更必須踩穩本地史觀認清台島主體性,進一步揚棄中華民國體制、徹底否定中華民國價值觀,建立真正歸屬於我們的國家。

9/24 Tâi-tāi thé-io̍k-koán hù-kīn hoat-seng ha̍k-seng hō͘ Tiong-hôa-thóng-chhiok-tóng iōng pe̍h-thih-á bú-khì kòng thâu, chō-sêng thâu-pō͘ pit-khui lâu-hoeh. Chioh chit-ê sū-kiāⁿ ho͘-io̍k, chìn-ji̍p Tionghôabînkok thé-chè lāi chū-chheng “chú-tiuⁿ Tâioân To̍kli̍p ê chèng-tī kang-chok chiá”, “bū-si̍t Tâito̍k kang-chok chiá” ê Lōa ChhengTek, kap i ê chèng-tóng Tionghôabînkok Bîn-chú-Chìn-pō͘-tóng, siōng-chió ài chò-kàu tī Chèng-tóng-hoat chháu-àn lāi-bīn, kā kìm-chí tī pún-tó sêng-li̍p jīm-hô chú-tiuⁿ hām Tiongkok thóng-it ê chèng-tóng kap thoân-thé cho͘-chit siá ji̍p--khì. Jî-chhiáⁿ chiàu che lâi soan-pò͘, chú-tiuⁿ thóng-it ê chèng-tóng sī hui-hoat chèng-tóng. Chheng-sǹg chèng-tóng ê chú-tiuⁿ kap ì-sek-hêng-thài chiah sī 1945 nî Choán-hêng-chèng-gī thâu 1 pái chhut-hiān tī jîn-lūi le̍k-sú siōng ê ki-pún ì-gī, mā tùi chia khai-sí sán-seng “Bîn-chú-Hông-ōe-Ki-chè” ê siat-kè, lâi ī-hông kek-koân chioh tio̍h bîn-chú ê mâi, soah kā pún-tē bîn-chú siau-bia̍t ê pi-kio̍k. Ho͘-io̍k m̄-thang hō͘ “924 Thóng-Chhiok-tóng thâi-lâng bī-sūi sū-kiāⁿ” piàn-chó pún-tó-lâng tui-kiû kiàn-li̍p 1 ê sin iū-koh to̍k-li̍p ê kok-ka lō͘--lìn ê chó͘-gāi, tian-tò ài kā chit-ê sū-kiāⁿ tòng-chò 1 ê kà-sī, iau-kiû choân-bīn chip-chèng ê Bîn-chìn-tóng ài tī “Chèng-tóng-hoat” thong-kòe “kìm-chí tī pún-tó chú-tiuⁿ thóng-it”. Tâioân-tó ê jîn-bîn koh-khah eng-kai tah tiâu pún-tē sú-koan, jīn-chheng Tâioân-tó ê chú-thé-sèng, chìn-chi̍t-pō͘ chiong Tionghôabînkok thé-chè piàⁿ-hiat-ka̍k, thiat-té hó͘-tēng Tionghôabînkok kè-ta̍t-koan, kiàn-li̍p chin-chin-chiàⁿ-chiàⁿ, lán ka-tī ê kok-ka.

儘管 2017/05/25 中華民國民進黨政府初審通過「政黨法草案」。但這份政黨法草案真的能發揮效果嗎?民進黨對所謂「國家定位」仍保守在《臺灣前途決議文》上,該決議文核心——簡單說即「臺灣已是主權獨立國家,正式國名為中華民國…」——光這句話就足以讓我們徹底唾棄該決議文,而不必再看其他欺騙建國派的主張。既然承認中華民國就地合法,那麼按照中華民國憲法,台灣島土地及其住民可說是在被中華民國強迫成為「中國人」後,再次暴露在「被統」與淪為「中国人」的危機中,因此台灣住民也無須期待甚麼雞毛蒜皮的改革,因為按中華民國憲法,台灣總有一天要被迫回歸,無論《臺灣前途決議文》如何言詞稟正宣告「總統民選,台灣是事實獨立的國家」都得面對國際法理所定義的一中問題——請問國際上承認中華民國國格嗎?連在本島「中華民國」都沒有合法性了,遑論國際,否則為何大小場合,包括日前剛舉辦的中國新歌聲活動,當天建國派就算持門票也因台灣旗的緣故而被主辦方禁止進場?中華民國國立台灣大學(而非台灣國立大學)都要降級成台北市台灣大學?這個已經是社會皆知的事實,台灣人何必騙自己?

Chóng--sī, 2017/05/25 Tionghôabînkok Bîn-chìn-tóng chèng-hú thong-kòe “Chèng-tóng-hoat Chháu-àn”, tān-sī chit hūn Chèng-tóng-hoat Chháu-àn kám chin-chiàⁿ ē-tàng hoat-hui hāu-kó? Bîn-chìn-tóng tùi só͘-ūi “kok-ka-tēng-ūi” iah pó-siú tī《Tâioân Chiân-tô͘ Koat-gī-bûn》lāi, chit-ê koat-gī hu̍t-sim——kán-tan kóng tio̍h sī ”Tâioân í sī chú-khoân to̍k-li̍p ê kok-ka, chèng-sek ê kok-miâ sī Tionghôabînkok…”——kǎⁿ chit kù ōe tio̍h kàu-thang hō͘ lán thiat-té phùi-sak kai koat-gī-bûn, m̄-bián koh khòaⁿ pa̍t-hāng khi-phiàn kiàn-kok-phài ê chú-tiuⁿ. Kì-jiân sêng-jīn Tionghôabînkok chiū-tē ha̍p-hoat, án-ne chiàu Tionghôabînkok hiàn-hoat, Tâioân-tó thó͘-tē kap i ê chū-bîn ē-tàng kóng sī khì hō͘ Tionghôabînkok kiông-pek chiâⁿ-chò “Tionghôabînkok-lâng” liáu-āu, koh chài po̍h-lō͘ tī “hŏng thóng” kap lūn-ûi “Tiong-hôa-Jîn-bîn-Kiōng-hô-kok-lâng" ê ûi-ki tang-tiong, chū-án-ne Tâioân chū-bîn iā bô su-iàu kî-thāi siáⁿ-mih hō͘ báng-á kha that tio̍h ê kái-kek--a, in-ūi chiàu Tionghôabînkok hiàn-hoat, Tâioân chóng-ū chi̍t kang ài hŏng pek hôe-kui, bô-lūn《Tâioân Chiân-tô͘ Koat-gī-bûn》án-chóaⁿ giân-sû-pín-chiàⁿ ê soan-kò--kóng “chóng-thóng bîn-soán, Tâioân sī sū-si̍t-siōng to̍k-li̍p ê kok-ka” lóng ài bīn-tùi kok-chè hoat-lí só͘ tēng-gī ê It-Tiong būn-tê——Chhiáⁿ-mn̄g kok-chè-siōng kám sêng-jīn Tionghôabînkok ê kok-keh? Liân tī pún-tó “Tionghôabînkok” lóng bô ha̍p-hoat-sèng--lō, tio̍h koh khah mài kóng kok-chè--ah, a nā-bô ūi-hô tōa-sè tiûⁿ-ha̍p, pau-koat chêng-kúi-ji̍t tú kí-pān ê Tiongkok-Sin-Koa-siaⁿ oa̍h-tāng, hit-kang kiàn-kok-phài tō sǹg the̍h mn̂g-phiò iā in-ūi Tâioân-kî ê iân-kò͘ hō͘ chú-pān-hong kìm-chí ji̍p-tiûⁿ? Tionghôabînkok Kok-li̍p Tâioân Tāi-ha̍k (iáu m̄-sī Tâioân Kok-li̍p Tāi-ha̍k) lóng ài kàng-kip chò Tâi-pak-chhī Tâioân Tāi-ha̍k? Che í-keng sī siā-hōe lóng chai ê sū-si̍t, Tâioân lâng hô-pit phiàn ka-tī--leh?

FETN 再一次呼籲,所有懷抱獨立建國理想的友志,千萬不能忘記台灣獨立建國本質上即是屬於體制外的運動,因為各種理由而進入體制內的友志也應該為體制外的理想服務。台灣獨立建國就是要打破現在存在本島的中華民國體制,建立一個全新、不繼承中國法統、堅定釘根立足於本島歷史、屬於台灣人自己的新國家。

FETN koh chài chi̍t pài ho͘-io̍k, só͘-ū hoâi-phō to̍k-li̍p kiàn-kok lí-sióng ê iú-chì, chhian-bān m̄-thang bōe kì-tit Tâioân To̍kli̍p Kiànkok pún-chit-siōng tio̍h sī thé-chè-gōa ê ūn-tōng, in-ūi chē-chē-chióng lí-iû ji̍p-khì kàu thé-chè-lāi ê iú-chì, iā eng-kai ūi thé-chè-gōa ê lí-sióng lâi ho̍k-bū. Tâioân To̍kli̍p Kiànkok tio̍h sī beh phah-phòa hiān-chāi chhûn-chāi pún-tó ê Tionghôabînkok thé-chè, kiàn-li̍p chi̍t ê choân-sin, bô kè-sêng Tiongkok hoat-thóng, kian-tēng tèng-kun khiā-kha tī pún-tó le̍k-sú, kui-sio̍k tī Tâioân-lâng chū-kí ê sin kok-ka.

0 意見:

張貼留言